Жаңа басылым, атынан көрініп тұрғандай, Алаш, яғни бүгінгі қазақ өмірінің айнасы болып жарқырауды мақсат тұтып отыр. Әр нөмір сайын жаңа қырынан ашылып, мәселені ақпараттық тұрғыда баяндап қана қоймай, түп-төркінін терең қазып ашуға тырысуда.
Ұлттың сөзін сөйлер басылымның бас редакторы Серік Жанболат – «Айқынның» алғашқы бас редакторы болған азамат, белгілі тележурналист. Ал жаңа газеттің журналистерінің көпшілігі – «Айқынның» босағасында жүріп ақпарат айдынында әбден ысылған азаматтар, кәсіби шеберлігі жоғары жандар. Сондықтан «Алаш айнасы» тәй-тәй баспай, бірден алшаң басып кетеріне сенім мол. «Алаш айнасы» қадамың құтты болсын!